முகப்பரு தழும்புகள் மற்றும் கரும்புள்ளிகளை வேகமாக மறைக்க உதவும் வழிகள்!

உங்கள் முகத்தில் முகப்பருவால் ஏற்பட்ட தழும்புகள் மற்றும் கருமையான புள்ளிகள் உள்ளதா? அதை வேகமாக மறைக்க நினைக்கிறீர்களா? அப்படியெனில் கண்ட க்ரீம்களைப் பயன்படுத்தாமல், இயற்கை வழிகள் என்னவென்று தேடிப் பின்பற்றுங்கள்.

ஒருவரது முகத்தில் முகப்பரு தழும்புகள் மற்றும் கருமையான புள்ளிகள் அழகைக் கெடுக்கும் வண்ணம் இருக்கும். ஆனால் இவற்றை ஒருசில எளிய நேச்சுரல் ஃபேஸ் மாஸ்க் போடுவதன் மூலம் வேகமாக மறைக்கலாம்.

இங்கு முகப்பரு தழும்புகள் மற்றும் கரும்புள்ளிகளை வேகமாக மறைக்க உதவும் ஃபேஸ் பேக்குகள் கொடுக்கப்பட்டுள்ளன. தொடர்ந்து படித்து தெரிந்து பின்பற்றி நன்மைப் பெறுங்கள்.

ஃபேஸ் பேக் #1

ஒரு கிண்ணத்தில் 1 டேபிள் ஸ்பூன் கடலை மாவு மற்றும் வேப்பிலை பொடியைப் போட்டு, க்ரீன் டீ சேர்த்து பேஸ்ட் செய்து கொள்ள வேண்டும். பின் அதனை முகத்தில் தடவி 20 நிமிடம் ஊற வைத்து கழுவினால், முகத்தில் உள்ள கருமையான தழும்புகள், புள்ளிகள் போன்றவை நீங்கி, முகம் பொலிவோடு காணப்படும்.

ஃபேஸ் பேக் #2

2 டேபிள் ஸ்பூன் ரோஜாப்பூ பொடியுடன் 1 டேபிள் ஸ்பூன் சந்தனப் பொடி சேர்த்து, ரோஸ் வாட்டர் சேர்த்து பேஸ்ட் செய்து முகத்தில் தடவி, 20 நிமிடம் ஊற வைத்து கழுவ, முகத்தில் உள்ள கருமைகள், முகப்பரு தழும்புகள் போன்றவை வேகமாக மறையும். மேலும் இந்த ஃபேஸ் பேக்கை வாரத்திற்கு 1-2 முறை போட்டு வந்தால், முகம் பிரகாரசமாக காணப்படும்.

ஃபேஸ் பேக் #3

1 கையளவு புதினா இலைகளை எடுத்து, ரோஸ் வாட்டர் சேர்த்து அரைத்து பேஸ்ட் செய்து, அத்துடன் 1 டீஸ்பூன் தேன், 1 டேபிள் ஸ்பூன் ஆப்பிள் சீடர் வினிகர் சேர்த்து முகத்தில் தடவி 20 நிமிடம் ஊற வைத்து குளிர்ந்த நீரில் கழுவ வேண்டும். இப்படி வாரத்திற்கு ஒருமுறை செய்து வந்தால், முகப்பரு தழும்புகள் மாயமாய் மறையும்.

ஃபேஸ் பேக் #4

1/2 எலுமிச்சையை சாறு எடுத்து, அத்துடன் 3 டீஸ்பூன் வெள்ளரிக்காய் சாறு, 1 டீஸ்பூன் கற்றாழை ஜெல் சேர்த்து கலந்து, முகத்தில் தடவி 15 நிமிடம் ஊற வைத்து கழுவ வேண்டும். இப்படி ஒரு வாரம் தொடர்ந்து செய்து வந்தால், முகப்பருவினால் ஏற்பட்ட தழும்புகள் மற்றும் கருமையான புள்ளிகள் நீங்கும்.

Leave a Reply

Your email address will not be published. Required fields are marked *

Close